Librerias fidutziàrias

In ue comporare sos tìtulos de s'archìviu SBS

Sas librerias fidutziàrias sunt sos presìdios de su sistema SBS in su territòriu ca sunt s'aneddu de croba fundamentale intre su cliente e su servìtziu.

Su sistema distribbutivu libràriu regionale e natzionale tenet medas problemas de funtzionamentu e de capatzidade de cuntentare su cliente; a custe, a onni manera, li cheret assiguradu chi est istadu fatu unu tentativu de cabale pro agatare su tìtulu. Sa professionalidade de sos libràios e sa difusione in su territòriu de sos giassos de bèndida est unu de sos cabos de fiundamentu pro sa difusione de su produtu editoriale, in particulare cussu de sas domos editoras minores e megianas chi in Sardigna sunt su bonu de su setore.
Sa calidade de su servìtziu ofertu e s'afortimentu de totu sas filera sunt sa manera sola pro chi abarret in bida su setore minetadu dae una cuncurrèntzia forte meda. Custa est una occasione manna pro dare valore a sa ispetzifitzidade de sa produtzione culturale sarda.

Comente divènnere una libreria fidutziària SBS

Po èssere una libreria fidutziària de su giru SBS toccat chi siant sunstentados unos cantos recuisitos fundamentales:

èssere iscritos a sa Camera de cumèrciu e giùghere in s'ogetu sotziale s'iscritura "bèndida de libros";
tènnere un'espositzione finas pitica de libros sardos in sos locales pròprios;
favorire sa promtzione de sos produtos editoriales de sa Sardigna;
possèdere e èssere in règula cun s'abbonamentu a SBSpro;
tènnere in sos locales de traballu un'intrada a s'archìviu SBS bisionàbile si lu pedit su cliente (finas in forma controllada) o giùghere a manìgiu su Catalogu annuale de sos libros sardos in cumèrciu;
bèndere o tènnere in espositzione sa rivista bimestrale Sardegna Libri;
atzetare e sighire unu decàlogu professionale chi previdat un'atentzione de importu a sas rechestas de sos clientes indiritziados dae su sistema SBS. Est indispensàbile chi sa libreria fidutziària SBS mustret chi at proadu cun inpinnu a cungruire s'òrdine, a garantzia de s'impinnu a croba, SBS e librerias pigant in ala de su cliente.
Si b'at discrumpimentos graes SBS potet detzìdere a sa sola de che bogare s'atividade cumerciale dae su giru;
pònnere in evidèntzia s'insigna de afiàngiu a su Circùitu SBS.

Sas librerias fidutziàrias ant a èssere cuntinu monitoradas dae personale SBS chi in prus at a impitare sas sinnalatziones de sos clientes e de sos àteros operadores professionales de sa filera.

Si ses un'operadore de su setore e ti piaghet a intrare in su circùitu de sas Librerias fidutziàrias, clicca innoghe.