Nàschidu dae una famiglia rica. Si ch´est andadu dae Ploaghe in su 1812 e si ch´est cambiadu a Tàtari, inue at fatu s´iscola de sos Iscolòpios. In su 1820 at retzidu su tìtulu de "Magister artium liberalium" a pustis de àere istudiadu in su seminàriu de Tàtari. In su 1825 si est laureadu in Teologia. In su 1827 at retzidu sos òrdines sagrados. At trabballadu in sas iscolas elementares de Tàtari e at sighidu a istudiare filosofia. A pustis s´est fatu dotore de Artes Liberales e si ch´est cambiadu a Roma, cumintzende a istudiare gregu, arabu e ebraicu. In su 1834, cando teniat solu trintun´annos, d´ant fatu docente universitàriu de iscritura sagrada e limbas de s´oriente e diretore de su museo archeològicu. In su 1871 d´ant fatu senadore de su Regnu.
Est unu de sos istudiosos sardos prus mannos de archeologia, istòria, linguìstica e traditziones populares. In Tàtari b´at su liceo iscientìficu chi est intituladu a issu.