Est nàschidu in Tàtari su 6 de maju de su 1878, fizu de Franziscu e Teresa Mannu, in una famiglia de massàjos. At istudiadu giurisprudèntzia in s´Universidade de Tàtari e inie, in su 1901, at fundadu paris cun Alfonsino Aroca sa rivista settimanale goliardica ´Il Burchiello´.
Pois de s´èssere laureadu si che est cambiadu in Roma inue si ch´est iscritu a sa facultade de lìteras. In su matessi tempus at trabballadu puru cun sa ´ Nuova Sardegna´, iscridende artìculos de crìtica literària, de crònaca mundana e versos. At iscritu puru contos in rivistas meda (La Riviera Ligure, La Patria, La Tribuna ecc.).
In sa capitale, gratzias a Gràtzia Deledda, ìntrat in s´ambiente literàriu romanu de cussu tempus. Si faghet amigu a Yosto Randaccio, chi du faghet intrare in su Cìrculu de filosofia e de lìteras, e pruscatotu a Guelfo Civinini, pubblicista, prosatore, crìticu e poeta simbolista. Issu di faghet che ghia in su mundu de su giornalismu e in s´ambiente culturale de Roma de cussos tempos: un´ammesturu de positivismu, spiritualismu, socialismu e dannunzianesimu.
Ìntrat in su mundu de sa literadura cun duas regortas de versos : A Vent´anni (1898) e Palmira (1899).
Pro s´inauguratzione, in su monte Ortobene de Nùgoro, de s´istatua de su Redentore, faghet imprentare su poema Il canto di Ichnusa .
Est unu de sos fundatores de su sotziu de sos amigos de s´arte, essende sos presidentes Domenico Gnoli paris cun Ugo Fleres e a Luigi Pirandello.
In su 1908, in Catania, si leada sa làurea in lìteras cun una tesi chi pertocat Petrarca. A pustis de duos annos torrat in Tàtari inue si coiuat e si ponet a tribballare in s´iscola.
In su matessi tempus faghet puru su giornalista trabballende cun: Il Tempo di Roma, La Nuova Sardegna, L´Isola, Rivista Sarda, La Regione, Fontana viva ecc.
Morit in Tàtari su 21 de làmpadas de su 1966.