Nàschidu in Casteddu in su 1964, Francesco Abate est iscritore, disc-jockey e giornalista de "L´Unione Sarda". At cumintzadu a iscrìere romanzos in su 1998 pubblichende Mister Dabolina, imprentadu dae Castelvecchi. S´annu a pustis at bintu su prèmiu Solinas cun Ultima di Campionato. In su 2003 at pubblicadu Il Cattivo cronista pro Il Maestrale e in su 2004 Ultima di campionato, sogetu cinematogràficu torra manigiadu. In su 2006 bessit Getsemani pro Frassinelli-Il Maestrale. In su matessi annu cumintzat a traballare paris cun Massimo Carlotto pubblichende Catfish, pro Aliberti. In su 2007, paris cun Massimo Carlotto at pubblicadu Mi fido di te, pro Einaudi.