Àteros piessignos

S'òpera

Ma diaderus est ca is dinosàurus funt sparèssius?
In su Friuli ant agatau custus arrastus de una forma de vida preistòrica. Prus e prus genti ant nau ca ant biu calincuna spètzia de dinosàuru curiosu, mesu lolloni.
Nàscius de su lapis de Andrea ´Dree´ Venier, is dinosaureddus chi chistionant su friulanu, is ´Gnognosaurs´, bessint imoi in d-un´àtera lìngua minorizada de su Stadu Italianu, su sardu, in custu volùmini. Comenti a nai, is dinosàurus no funt sparèssius: imoi is stòrias prus togas de su Giuràssicu funt totus aìnturu de unu lìburu.

Is Gnognosaurs funt bessius po sa primu borta in su Friuli in su 1995. Unas cantu ´strìscias´ funt bessias in italianu, cun custu nòmini: ´Pazzosauri´, ma pagu tempus apustis, in su 1996, fiant giai is ´Gnognosaurs´ e is stòrias de insandus funt sèmpiri pensadas in friulanu de s´autori Andria ´Dree´ Venier. Su nòmini Gnognosaurs (´gnogno´ bolit nai lolloni) est geniosu po su pùbricu de dònnia parti e logu, e duncas at a essi s´ùnicu nòmini ofitziali de is strìscias in calisisiat lìngua ddus furrint (po imoi in italianu, ingresu e finsas frisoni) e insandus est aturau in sardu puru.
A prus de bessiri in s´arrevista po piciocus in lìngua friulana ´AlceCè´ (ed. La Vita Cattolica), is Gnognosaurs ddus ant imperaus po calendàrius e poster promotzionalis po spainai su manìgiu de sa marilenghe.

Bona gnognoligidura!