Vai direttamente al contenuto

SBS

Servitzios Bibliograficos Sardos

Servitzios Bibliograficos Sardos
     
  
Password ismentigada?
Abònadi como!

SBS

Servitzios Bibliograficos Sardos
Su progetu punnat a dare a s'utèntzia, unu servìtziu pro sa chirca de sas publicatziones libràrias produidas in Sardigna, cun s'impreu de tecnologias noas e unu traballu de regolta profetosa de sas informatziones.
Est sa prima borta chi unu fiotu firmu traballat pro mantènnere s'annou de su catàlogu de sos libros sardos in cummèrciu e pro promòvere sa produtzione editoriale librària isolana.

In su grupu traballant pzitzocos laureados e professionistas. Sunt cunsiderados de importu meda sos cussìgiosos chi ant a bènnere dae sos utentes de su sistema SBS.
Po su letore, SBS diat chèrrere èssere che a unu catàlogu cumerciale modernu, cuncordadu sighinde sos istandard internatzionales, disponìbile in tantos suportos e chi tèngiat sa massima difusione.
A s'utèntzia pofessionale chi impreat su sitema, SBS cheret dare servìtzios pretzisos a unu prèsiu de cumpetitzione.

Su sistema SBS est unu organìsmu privadu e indipendente, chi sighit critèrios rigorosos in sa descritzione de sos tìtulos, (ISBD, ISTAT).

SBS no est:
  • unu situ de cummèrciu eletrònicu
  • unu organìsimu chi donat servìtzios de genia publica.
Chirca bona e profetosa, a totu sos utentes!

Ite cherimus dare

Sas dificultades prus mannas chi s'editoria sarda depet afrontare sunt sa difusione e sa promotzione de sas fainas suas. Unu libru, pro èssere comporadu, depet èssere connotu e si depet agatare.
Sos servìtzios chi dat SBS sunt pessados pro prenare sa diferèntzia chi tenent domanda e oferta e si partzint in duas categorias mannas: consumer (B2C) e business (B2B).

Utentes "letores"

Pro sos utentes "letores", SBS, debadas, dait tres servìtzios fundamentales:
  1. unu catàlogu on-line de libros sardos in cummertziu, annoadu cuntinu, chi permitit chircas miradas;
  2. recensiones, novidades e artìculos chi pertocant su mundu de s'editoria;
  3. una lista de librerias/edìcolas de fidutzia pro pòdere ordinare e comporare libros

SBS pùblicat sa rivista bimestrale "Libri Sardegna" distribuida in sas librerias e in sas edìcolas. Cuntenet publicatziones noas meda, recensiones de novidades e novas de su mundu de s'editoria in Sardigna. Donnia annu SBS pùblicat su Catàlogu generale de sos libros sardos in cummèrciu in formadu eletrònicu (CD-ROM) e in carta.

Utentes professionales

Po sos utentes professionales, pro mèdiu de unu abbonamentu annuale, SBS dait finas sa possibilidade, de tènnere custos servìtzios:
  1. intrada a totu sa informatziones de s'archìviu, cun sa possibilidade de fàghere finas chircas matanosas;
  2. intrada a sas informatziones promotzionales de sos libros a ora de publicare;
  3. imbiu a domo de sa rivista bimestrale "Libri Sardegna";
  4. possibilidade de comporare, a prèsiu baratu, su catàlogu annuale de sos libros sardos in cummèrciu (pabiru e CD-ROM);
  5. s'offerta, a tarifas cumbeniosas, de campagnas publicitàrias miradas.
Cumintzu de pàgina   Stampa Imprenta custa pàgina   Condividi Cundividi
Servitzios Bibliograficos Sardos