Tonino Mario (Antoninu) Rubattu, nàschidu in Lindos (Rodi Egeo) in su 1938, bivet in Sènnori (SS), bidda inue est istadu sìndigu pro noe annos. Laureadu in Materie Letterarie, est poeta bilìngue. Pro degh´annos est istadu direttore de sa rivista de arte, poesia e literadura sarda ´S´Ischiglia´. At trabballadu cun sa prima Cummissione de espertos, nominada dae sa Regione Autonoma de sa Sardigna, pro sa Unificatzione Ortografica e Linguistica de sa Limba Sarda. Est segretàriu e fundadore de su Prèmiu de Literadura Romàngia. At otènniu reconnoschimentos meda in sos cuncursos literàrios regionales, natzionales e internatzionales. Est sotziu onoràriu de unas cantas accademias e sotzios culturales.