Elia Lai, fizu de Antoni e Mariannica, est nàschidu in Laconi in su 1920. Fiat de famìglia de massàjos e a piticcu at traballadu in su sartu. Cando teniat deghesset´annos si ch´est andadu dae domo pro si arrolare in s´esèrcitu. Di est tocadu de fàghere una esperièntzia de presoneri de gherra longa e difìcili. Est torradu in Laconi a pustis de otto annos, in su 1946. Dae su ´48 a su ´52 at trabaladu in sas gavas e at sighidu a istudiare a solu. In su 1947 si est cojuadu in Laconi. A pustis de àere traballadu pro tempus meda in sa politzia penitentziària, como, mancari tengiat prus de otant´annos, sighit a tènnere comente sèmpere sa passione pro sa poesia e s´amore pro sa bidda sua.