Nàschidu in Casteddu in su 1914, in su bighinau de Biddanoa, Cannas est un´intelletuale de ispicu in sa vida culturale e polìtica de sas ùrtimas deghinas de annos. Est istadu unu pubblicista cun interessos medas e de genias diferentes: bilinguismu, ´nuraghia´, caddos, sa bellesa de s´isola nostra, de sas citades, de s´ambiente. Est istadu diretore de sa rivista in limba ´S´Ischigia´ fintzas a su 1990. At trabballadu paris cun sa maioria de sas rivistas e giornales sardos: ´L´Unione Sarda´, ´La Nuova Sardegna´, ´Tutto Quotidiano´, ´ Altair´, ´Gastronomia Sarda´, etc. Mancari apet iscritu meda est connòschidu prus ca totu pro sa poesia: cussideradu ´Su´ poeta de Casteddu, at pubblicadu una regorta de poesias in su libbru ´Disterru in terra´, de su 1994. Cun sa domo imprentadora Aipsa at pubblicadu su libbru ´Mascaras Casteddaias´ (1999) inue capint sas poesias suas prus rechentes. Est mortu su 29 de maju de su 2005.
|