Gianfranco Cappai est nàschidu in su 1947 in Sìnnai, in Campidanu de Casteddu. A pustis de àere fatu su Litzeu Clàssicu si est iscritu a sa Facultade de Lettere in Casteddu. Sigomente non di aggradaiat meda traballare comente insegnante in iscola, s´est postu a fàghere s´impiegadu. Fintzas dae pitzocheddu at tentu sa passione de s´iscritura; in su 1968, cando teniat aditzu bint´annos, s´est fatu promotore de sa nàschida de sa "Pinella", sa prima rivista periòdica sinniesa. A pustis de pagos annos s´est impinnadu in sa redatzione de un´àtera rivista, "Questasinnai", inue pubblicaiat, addia de articulos, contos e poesias puru (cun istevìngios meda). Sèmpere si est appentadu cun sa poesia. At pubblicadu in su 2002 una regorta de cumponimentos aintro de s´antologia Orizzonti, editziones LIBROITALIANO de Ragusa. Cun Aipsa Edizioni at pubblicadu: Tracce sulla sabbia (2005), Gatteide (2005), tot´ambarduos pintados dae Lorenza Cavinato.
|