Matteu Porru, marmillesu de Biddanoafranca aundi est nasciu in su 1934, bivit in Casteddu e campat de sa pensioni de direttori de is iscolas segundarias italianas e pagu sardas de sa Sardinnia. De candu s´est laureau in su 1957, discutendi asuba de sa positzioni de su dialettu de bidda sua a intru de is làcanas de su sardu, at sempri sighiu a istudiai custa lingua chi permittit a sa genti sua de espressai calisisiat sentidu de s´anima. At tradusiu in sardu a Pinocchiu e traballat po biri su sardu presenti in is iscolas paris cun is ateras linguas de s´Europa.