Peppinu Marotto est nàschidu in Orgosolo in su 1925. Sa vida sua est andada paris cun sos fatos prus de importu de s´istòria de sos urtimos chimbant´ annos. Pro sas ideas suas a pitzu de sa giustitzia sociale e pro essere issu abetiosu di est tocadu a fàghere presone e cunfinu. At cantadu in sas pratzas de sa Sardigna e de su mundu pro fàghere a connòschere ideas de emancipatzione e libertade. Fintzas a pagu in antis de si che mòrrere Peppinu Marotto at derramadu s´impignu suo in s´atzionismu sindacale e po batire in bidda sua una Camera del Lavoro.