Further details

The work

«Pro sa prima borta sos indipendentistas ant àpidu in sos giornales e in sas televisiones unu ruolu, una visibilidade chi in antis si la podiant solu bisare. "L´unione" e "La Nuova" ant oramai cumpresu chi in Sardigna s´atmosfera polìtica est cambiende, sos eletores sunt semper prus istracos de sa polìtica ufitziale, si che istèsiant dae sos partidos dominantes, non essint prus mancu dae sas domos pro andare a votare. Tzertu s´atentzione de sos mass-media est andada mescamente a Mùrgia, ma nde at leadu profetu puru Devias [...] Una cosa chi no est pràghida a sa redatzione de "Camineras" est istada una campagna eletorale chi sos indipendentistas ant fatu sene mai - o belle che - faeddare in sardu. In custa manera sa limba nostra sighit in s´àndala chi la podet giùghere a morrere. Nois, totus in paris, devimus leare s´impignu de firmare custa minetza manna meda.»