Vai direttamente al contenuto

SBS

Servitzios Bibliograficos Sardos

Servitzios Bibliograficos Sardos
     
  
Password ismentigada?
Abònadi como!

Pietro Casu

Iscritore
Feed RSS RSS novas

Naschet in Berchidda su 13 de Arbile de su 1878 in una famiglia pobera, su de sete de sos fizos de Salvatore e Maria Apeddu.
Est unu pitzocheddu dèbbile e malaidonzu e non est adatu po triballare in su sartu: difatis che du mandant in seminàriu.
Pois de s´èssere laureadu in teologia e de s´èssere fatu a prèide in su 1900, imparat lìteras in su seminàriu de Otzieri dae su 1901 a su 1906 e in Tàtari dae su 1919 a su 1924. Du faghent retore a primu de Oschiri (1906-1908) e pois, dae su 1912 fintzas a cando si che morit, de Berchidda.
Giai dae chitzo est mentovadu che preigadore e poeta in limba sarda (sèberat su logudoresu de sa poesia).
Mentovada est sa borta cando faghet unu discursu in limba logudoresa in Casteddu, su 24 de arbile de su 1926, in sa crèsia de Sant´Anna pro su Congresso Mariano, a cara de sos obiscos sardos e de su cardinale Gaetano Bisleti.
Iscriet, intre sos annos 1910 - 1929, una filera de romanzos de argumentu sardu chi di batint fama e àlchida intre sos àteros catòlicos natzionales, mancari chi sa gerarchia eclesiàstica di fetzet crìticas meda.
In su 1910 pùbblicat, in italianu, Notte sarda, su romanzu suo connotu de prus. Sa crìtica du retzit gasi bene chi du tradusint fintzas in tedescu. S´auotre retzit, difatis, su bàntidu de Gràzia Deledda e de àteros intelletuales de su tempus.
De s´òpera si sunt fatas duas editziones (1924 e 1927). Pro s´autore depiat èssere su primu romanzu de una trilogia chi però no at mai acabbadu (sos àteros romanzos depiant èssere Aurora sarda ,1922, e Meriggio sardo).
Paris cun intelletuales che a Giovanni Antioco Mura, Filiberto Farci e Filippo Addis partitzipat a su progetu de sa rivista "Il Nuraghe" de Raimondo Carta Raspi. Collaborat paris cun giornales e rivistas iscridende artìculos e contos. De importu sunt: "Arte e vita", "Ars Italica", "La Tribuna", "Sardegna Cattolica", "La Domenica del Corriere", "L´Isola", "Il Giornale d´Italia", "Il Corriere dell´Isola", "La Nuova Sardegna", "L´Unione Sarda", "Libertà", "Il Corriere d´Italia", "Matelda", "Carroccio", "Il Momento", "La Festa".
Intre su 1925 e su 1942 regollet in unu volùmene contos meda essidos a princìpiu in giornales e rivistas diferentes, in Sardigna e in Italia. Tradusit in sardu sa Divina Commedia de Dante e Dei Sepolcri de Foscolo e una filera de òperas de sos mannos de sa literadura italiana e non solu.
Tradusit dae unu libbru devotzionale de su gesuita Fiorentino Alcañiz.
In su matessi tempus s´apentat a faghere un´òpera manna de lessicografia, cun prus de trintaghimbemila paràulas, chi però no enit inprentada: su Vocabolario Sardo Logudorese-Italiano.
Pro sos istudios suos a suba de sa limba sarda retzit reconnoschimentos dae parte de Wagner e de Rohlf. In su 1950 di donant su primu prèmiu Grazia Deledda pro sa poesia dialetale sarda. Morit in bidda sua a pustis de una maladia longa, su 20 de bennarzu de su 1954.

Bibliografia

Alcune opere:

- Giovaneddha canta e rie (versi), in R. BRANCA-F. Pala, Vita poesia di Sardegna, Genova, Fratelli Pala Editori, 1938, p. 244.

- La devozione al cuore di Gesù, del Padre P. Alcaniz S. J., trad. dallo spagnolo, Milano, Società Editrice Vita e Pensiero, 1939.

- Fiori di landa (novelle), Milano-Roma, Opera Nazionale per il Mezzogiorno d´Italia, 1942.

- La vigna sterposa (romanzo), Milano, Opera Nazionale per il Mezzogiorno d´Italia, 1942.

- Su massaju, poemetto in sardo logudorese, Cagliari, Edizione S´Ischiglia, 1955.

- Cantones, a cura di B. e G. Casu, Ozieri, Editrice Voce del Logudoro, 1978.

- Preigas, presentazione di N. Tanda, nota introduttiva di G. Soddu, Sassari, Libreria Dessì, 1979.

- Su massaju (versi), S´Ischighia, II, 10, ottobre 1981.

- Lettere in versi ad artisti, poeti e amici, a cura di G. Ruju, Cagliari, Edizioni Della Torre, 1994.

- Su Resuscitadu. Sa cantada de sa cuba. Due poemetti, a cura di G. Ruju, Cagliari, Edizioni Della Torre, 1994.

- Versos de Sardigna, a cura di G. Ruju, Cagliari, Edizioni Della Torre, 1995.

- Cantones de Nadale, con le melodie di A. Sanna, a cura dell´Associazione Eredi P. Casu, Ozieri, Editrice Il Torchietto, 1998.

- Vocabolario Sardo Logudorese-Italiano, a cura di G. Paulis, Nuoro, Ilisso, 2002.

Tìtulos in archìviu

Tìtulos in archìviu  
  Due poemetti
  Lettere in versi
  Versos de Sardigna
  Vocabolario sardo logudorese- italiano
  La voragine
  Notte sarda
  Ghermita al core

Còmpora online

Còmpora online sos libros de Pietro Casu dae SarIBS
SarIBS - Sardinia Internet Book Store
Cumintzu de pàgina   Stampa Imprenta custa pàgina   Condividi Cundividi
Servitzios Bibliograficos Sardos