Iscritore, regista e autore de teatru, Alberto Capitta est nàschidu in su 1954 in Tàtari inue como bivet e traballat. At cumintzadu a s´apentare cun su teatru de chirca in su 1981, cando at iscritu sas òperas primas suas pro su palcoscènicu: prus a tardu si faghet cu-fundadore de su laboratòriu Ariele, inue est regista, diretore artìsticu e atore puru. A iscrìere romanzos incumintzat in su 1999 cun Il cielo nevica pubblicadu dae Guaraldi, e pois imprentadu torra dae Il Maestrale. In su 2004, s´autore faghet imprentare Creaturine (il Maestrale- Frassinelli) chi bessit finalista a su prèmiu Strega. Alberto Capitta est «il meno noto, ma uno dei più interessanti scrittori di una straordinaria fioritura sarda» (Goffredo Fofi, Lo Straniero).