FRANZ KAFKA (1883-1924), iscritore de limba tedesca nàschidu in Praga, est unu de sos autores de prus importu de sa literadura de su de sèculu XX. Iscriet in s´òpera sua de su clima ispirituale de su tempus suo: su disisperu de s´òmine modernu, sas chircas illacanadas e sas pregontas chi no agatant una risposta, sa dutèntzia remenga a una realidade in ue chircat una manera de istare, de bìvere, unu bramore chi posca mudat in turmentu, neghe, disassussegu chi mai s´at a pòdere presentare cun una forma de contare sas cosas chi tèngiat un´agabbu e chi potzat ofèrrere pasu e cuntentu. Dae su turmentu de sa negatzione frorit un´arte noa chi li permitet a s´iscritore de èssere unu de sos istilistas prus mannos de sa prosa tedesca, gasi comente nde faghet puru unu de sos moralistas profetosos de su mundu modernu.