Sandro Chiappori est nàsciu su 21.12.1954 in Casteddu aundi bivit e traballat.
In su Prémiu Gallura de su 1991, chi est su primu cuncursu literàriu in língua sarda anca at partetzipau, bincit scriendi in Campidanesu su 1u Prémiu po sa Prosa e su 1u Prémiu po su Teatru. Apustis, ant a sighiri medas àterus arreconnoscimentus comente su 1u Prémiu Luras po sa poesia e su 1u Prémiu Gramsci po sa prosa. E ancora otenit, scriendi fintzas in sardu-logudoresu e galluresu, su 1u Prémiu de 2 editzionis de su Cuncursu Montanaru (´92 e ´94), de 4 editzionis de su Parteolla, nel ´94 bincit s´Olivo d´Oro de Dolianova, nel ´95 su Vivicastello d´Oro-Prémio Altziator e medas àterus comente Teti (3 editz.), Oschiri (2 editz.), Iglesias (2 editz.), Silius (2 editz.), Ossi, Olmedo etc. In su mesi de ladàminis de su 2003 at a arriciu a Dorgali unu de is úrtimus e de is prus importàntis primus prémius. Sunt in totu prus de 160 is arreconnoscimentus lograus fintzas a oi in campu literàriu.
At pubricau sa cummédia in sardu-campidanesu Su Cammellu de Antoninu (imprentada de s´Amm.ne Prov.le de Casteddu).