S'òpera
Su libru sighit unu dòpiu registru de contados: su realismu in sos contos de sos personàgios e de sos logos dae una parte e s´evocatzione de feguras e de fatos sutzessos irreales immaginàrios dae s´àtera, in ue, siat sos personàgios siat sas bisentas dae custos bìvidas sunt frutu de sa fantasia de s´autore. S´intentu est cussu de discrìere logos antigos, bighinados betzos, traditziones e paristòrias populares, galu bias in sa bidda de Tzaramonte, in ue sunt ambientados guasi totu sos contos, fuende dae s´assentu de su sàbiu, ma intritzende totu e faghèndelu isòlvere in su contu e in sa mòvida de sos protagonistas, in crae lèbia e irònica, segundu s´istile collaudadu de Tore Patatu.
|