S'òpera
Misteros, faulas e malas trassas in sa Sardigna de oe chi abbadiat cun ogros noos su passadu de s´isula. Sarbana, giòvana archeòloga in pessu laureada, s´afrontat cun s´establishment de sa Subrintendèntzia e de s´academia. Sa sorte la faghet addoviare cun Nurai, giornalista de unu cotidianu italianu chi la ponet a traballare paris cun isse pro bogare a craru cosas pagu ladinas in sos manìgios archeològicos in Sardigna. In Rèmules addòviat istudiosos de unu sòtziu archeològicu chi li mustrant una losa antiga in su sartu de una bidda acurtzu, Osana. B´at unu retangulu de brùngiu iscritu. A nde bènnere a capu l´agiudant s´amoradu, etruscòlogu in Firentze, un´archeòlogu fiorentinu mannu de tempus, unu epigrafista bascu. E non petzi issos.
|