Àteros piessignos

S'òpera

Sos logos de custu romanzu sunt cussos chi, in sos séculos colaos, fut su féudu de Parte Tzier Canales, comente a nàrrere sas biddas a inghíriu de su Tirsu, francu Bidumajore. S´època est su 1600, cando in Sardinna cumandaiant sos ispannolos.
Sos contos sunt duos. Su primu comintzat su 1637, s´annu chi sos frantzesos ant ocupau a Aristanis. Su contu allegat de sos potentes, mescamente de sa famíllia de Cervellón, còntenes de Sédilo, e agabbat su 1652, cando sa pesta che revertit a cussas biddas.
In sa segunda parte bi sunt sas líteras iscritas dae unu zòvanu istudiau chi ch´ant furau sos bandios e dd´ant cuau in sos montes. S´annu est su 1668, cando ant mortu a su marchesu de Castelvì, prima boghe in s´Istamentu sardu, e su mese ifatu, a su vitzerè, su marchesu de Camarassa. Su zòvanu contat a s´amorada sos patimentos de presoneri a cufrontu de cando biviat líbberu.