Àteros piessignos

S'òpera

Custu lìburu est sa testimonia sinzilla e verdadera de Emìliu Lussu asuba de sa Gherra manna de su 1915-18. E est – po su chi ancora representat – unu de is mellus lìburus de sa litteradura universali, scrittus contras a sa gherra chi, puru, Lussu – coment´e tantis giòvunus de s´edadi sua, in dònnia làcana de su mundu – iat cumbàttiu po doveri.
De sa giara de Asiago, Lussu iat tentu sa sorti de ndi torrai, po sighiri a chistionai de gherra e de paxi e finas po fai polìtica a profettu de sa genti prus dèbili e bisongiosa.
Ma medas, troppus sordaus, non ndi fiant torraus: ddui fiant mortus po s´Itàlia e po su rei.
Cussa gherra, maladitta coment´e totus is gherras chi non sunt arrennèscias mai a pònniri sa genti in paxi, custu lìburu dda contat in sa lingua chi Emìliu Lussu impreàt in su fronti po si cumprèndiri a pari cun is cumpàngius suus de sa Brigata Tatari.