Àteros piessignos

S'òpera

Sos passos a fura de unu pàrracu giòvanu chi essit dae domo sua e s´angùstia de una mama chi ddu ponet in fatu isperende de s´èssere faddida. Est de gosi chi cumintzat su dramma de un´òmine chi at ammìtidu, a sa fine, sa fàula de sa vocatzione sua.

Su passadu, cun totu sos fatos chi ant giùghidu a Pàule a si ligare a Agnese, torrat a essire a pìgiu in su cursu de un´acontèssida chi si cuntzentrat totu in su sèberu de su presente: assegundare sa vida o ddoe rinuntziare in nùmene de sa beste talare.

Ispintu dae sa mama a sarvare a issu e su chi est istadu educadu, Pàule s´aferrat disisperadu a sas ànimas simpres de sa bidda de Aar, retzende ogna acaessimentu de tres dies ebbia che a una beneditzione chi ddu mantenet a tesu dae su disìgiu.

In custu capolavoro de sa literadura mundiale, su pistighìngiu esistentziale de una mama e de su fìgiu chi issa at sacrificadu totu sa vida sua s´imponet cun sa fortza potente de una tragèdia grega.