Antiogu Cappai Cadeddu (Iscanu, 1943), at insignadu materias literarias in sas iscolas mèdias de Pianàrgia e Monteverru, est istadu vintichimbe annos in Olanda inue su disterru li at abizadu a grae sa cussèntzia identitaria de sardu; como biagiat tra Olanda e Sardigna in ue tenet mugere e tres figios. At publicadu in Amsterdam (1999) su contu in tertzinas Biazu a Sardigna, defensa corale de sa limba e identidade sarda; impare cun Roberto Bolognesi at fatu sa chirca sotziolinguìstica Un condannato a morte che gode di ottima salute (Condaghes 2002) subra sa cunditzione de sa limba sarda in bidda sua. A bortadu in sardu unu romanzu fiammingu (Felix Timmermans, Boerenpsalm) publicadu dae Condaghes (2004) cun su tìtulu Gosos e tribbulias de unu massaju e unu romanzu olandesu Max Havelaar de s´autore Eduard Douwes Dekker (Multatuli).
|