Antonio Mura

Iscritore

RSS novas

Antonio Mura, poeta in limba sarda, est nàschidu in Nùgoro in su 1926. Fizu de su poeta Predu Mura, at fatu istudios irregulares in Nàpoli e, a pustis de èssere torradu po pagu tempus in Sardigna, est emigradu in Germania pro chircare traballu. Custa esperièntzia at influentzadu meda sa poetica sua. E difatis de custa esperientzia faeddat su cumponimentu chi di at fatu bìnchere su prèmiu Otzieri.
In su 1971 at pubblicadu Lingua e dialetto, una regorta de poesias, prus a tardu immanniada e imprentada cun su tìtulu Su birde. Sas erbas (1998). In sos annos ´60 Mura at tradùsiu operas meda de literadura, The wasted land de Eliot, Le cimetière marin de Valéry, sa Poésie ininterrompue de Eluard e poesias de àteros autores. Est mortu in su 1975. S´importu de custu poeta benit de sa capacidade sua de iscriere cun sa limba nugoresa, una limba chi, cun sas làcanas e cun sa grandesa sua, est bona a rappresentare sas irregularidades de sa vida.

Bibliografia

- Lingua e dialetto. Poesie bilingui, Nuoro, Edizioni Barbaricine, 1971.

- Su birde. Sas erbas. Poesie bilingui, a cura di M. Virdis, Nuoro, Ilisso, 1998.

- Ammentos de emigrante, in I poeti del premio Ozieri, vol. I, Cagliari, Edizioni Della Torre, 1981.

- Billu, su zovaneddu, in I poeti del premio Ozieri, vol. II, Cagliari, Edizioni Della Torre, 1981.

- Unu populu es kupinde sa zustissia. Mi naban sos amicos, in R. MANELLI-G. CARUBELLI, Trent´anni di poesia in Sardegna, Cagliari, Fossataro, 1982.

- Solu sa luna, inoke, érema sorre. Su banduleri bendidore de ramene. Ke bbelas a su bentu. Prantar dessu kelu. Su respiru iskurtamus. Sos ispentumor dessa bida, in M. CHIESA-G. TESIO (a cura di), Le parole di legno. Poesie in dialetto del ‘900 italiano, Milano, Mondadori, 1984.

- Poesia ininterrompia e Campusantu marinu. Traduzioni da Paul Eluard e Paul Valéry, a cura di D. Caocci, Cagliari, Centro di Studi Filologici Sardi/Cuec, 2003.