Antonio Romagnino, laureadu in lìteras, est istadu professore de italianu e latinu in su Liceo Classico "G.M. Dettori" de Casteddu. At fatu sa gherra in Africa e est istadu presoneri de gherra in U.S.A. At cumintzadu s´atividade pubblicista in sos annos Trinta, trabballende paris cun sa rivista ´Sud Est´ e essende redattore-capo. A pustis de sa segunda gherra mondiale est istadu, innoghe puru, redatore capo in sa rivista ´Rivoluzione liberale´. At iscritu in S´Unione Sarda e in rivistas literàrias. Est su fundadore de Italia Nostra in Sardigna, e nd´est istadu presidente regionale e cussizeri natzionale. Est intradu presidente, a pustis de su fondadore, Nicola Valle, in su sòtziu ´Amici del Libro´.
At iscritu sos libbros Cagliari Marina, Cagliari Castello, Torri e mari, Giorni e stagioni, Farfalle ed altro, Passeggiate cagliaritane, Chicchi di melagrana e, cun sa fiza Ludovica, sa Guida di Cagliari.
At curadu I cagliaritani illustri e Artisti sardi de Remo Branca, e cun Umberto Allegretti Poesie de Luigi Crespellani. Sa genia de litaradura chi preferit est su «frammento», chi est, totu paris, contos, ammentos, pentzos. De custa genia est s´urtimu libbru suo: La mano sul mento.
Pro Aipsa Edizioni at pubblicadu in su 2000 Epigrammi di Stefano e, in su 2002, Né morsi, né carezze.