Gonario Carta Brocca naschit in Durgali in su 1943. Foras de chimb´annos colaos tra Frantza e Germania, at semper bíviu in Durgali inue faghet su pedheri.
Dae candho aiat bint´annos iscriet poesias e prosa. In su 1989 cumentzat a participare a sos cuncursos regionales de literadura, pigandhe medas riconnoschimentos e azuat in sas iscolas candho faghent laboratorios de limba sarda, de poesia o de teatru.
In 1996 su prémiu Romangia li faghet, in cantu binchidore, su primu libbru de poesias intitulau Sos càntigos de s´ae. In su 2000 binchet su Michelangelo Pira chi li faghet su secundhu libbru de poesias intitulau Tera. In su 2001 essit su libbru de paristórias Sos sette de s´arcu ‘e chelu.