Vai direttamente al contenuto

SBS

Servitzios Bibliograficos Sardos

Servitzios Bibliograficos Sardos
     
  
Password ismentigada?
Abònadi como!

Gabriel García Márquez

Iscritore
Feed RSS RSS novas

Gabriel García Márquez est nàsciu in Aracataca, Colòmbia, in su 1928. Incumìntzat a istudiai in is universidadis de Bogotà e de Cartagena in sa facultadi de lei ma làssat su studiai innantis de si laureai po trabballai cumenti a giornalista in is giornalis: El Universal, El Heraldo e El Espectador.
In is annus cincuanta fait parti de su cìrculu literàriu El grupo de Barranquilla. Fait su imbiau de Parigi e de Roma e in su 1954 pùbbricat su primu contu suu Ojos de perro azul e un´annu apustis La hojarasca. Si còjat in su 1958 e incumìntzat a trabballai in is arrevistas de Venetzuela Elite e Momento e in s´agentzia cubana Prensa Latina fundada de Fidel Castro, aprimu in Bogotà e agoa in New York. In su 1962 est in Tzitadi de su Mèssicu trabballendi in is arrevistas Sucesos e La Familia. In su 1967 bessit Cien años de soledad chi fait de Márquez una de is personalidadis prus importantis de sa Amèrica Latina e no sceti. In su 1979 fùndat s´arrevista polìtica Alternativa e incumìntzat a si interessai de is chistionis de is presoneris polìticus e de is deretus de s´òmini. Po mori de s´atividadi sua in is ùrtimus annus dd´est tocau a bivi tra sa Colòmbia e su Mèssicu in esìliu volontàriu.
Sa scritura sua est istètia influentzada de J.R. Jimenez, F. Kafka, W. Faulkner, P. Neruda. In in contus suus sa realidadi e sa pantasia si ammestùrant apari in una spètzia de realismu màgicu. Oindì est cunsiderau unu de is mellus iscridoris de totu su mundu.
Àtera òperas suas funt: El coronel no tiene quien le escriba de su 1957, El otoño del patriarca de su 1975, Crónica de una muerte anunciada de su 1981, El amor en los tiempos del cólera de su 1986, El general en su laberinto de su 1991, Del amor y otros demonios de su 1994 e Memorias de mis putas tristes de su 2004.
In su 1982 at bintu su prèmiu Nobel po sa literadura.


Tìtulos in archìviu

Tìtulos in archìviu  
  Crònaca de una morti annuntziada
  Nemos iscriet a su coronellu

Còmpora online

Còmpora online sos libros de Gabriel García Márquez dae SarIBS
SarIBS - Sardinia Internet Book Store
Cumintzu de pàgina   Stampa Imprenta custa pàgina   Condividi Cundividi
Servitzios Bibliograficos Sardos